આરુ મારી જાડી,પહેરે એ તો સાડી.
એની સાડી લાલમ લાલ,આરુ કરે કાયમ કમાલ.
સાડી પેરી બને ટીચર,ટીચરની કરે ન એ ફિકર.
ઢીંગલા ઢીંગલી ને એ ભણાવે,એમણે લેસન કરાવે.
સૌને એ શીખવતી જાય,સાહેબ ને કહું એમ ધમકાવી જાય.
આરુ મારી જાડી,પહેરે એ તો સાડી.
બધાં જ વિષય એ ભણાવે,ભલે એને ફાવે કે ન ફાવે.
સૌને એ લેશન આપતી જાય,કાલે આવ જે જ એમ કહેતી જાય.
આરુ ને ગમે સંગીતનો તાસ,સાથે કરે એ એકલી જ ડાન્સ.
ટેલીફોન પર વાત કરે, ફી ભરો એવો દમ ભારે.
આરુ મારી જાડી,પહેરે એ તો સાડી.
એની શાળા છૂટે જયારે ,પપ્પા આવે ઘરમાં ત્યારે.
એ પપ્પાને ભેટી પડે,એની મમ્મી એને લડે.
પપ્પા સાથે એ બહાર જાય,દુકાનના પાટિયા વાંચતી જાય.
આગળ પાછળ ડાફોળા મારે, ઊંધું અવળું એ વાંચવાનું કરે.
આરુ મારી જાડી,પહેરે એ તો સાડી.
Leave A Comment